Ата заңым-айбыным
- Тәрбиеші: Сарсенгалиева Л.К.
- 29 авг. 2017 г.
- 1 мин. чтения
Бүгін 2017 жылдың 29 тамызында «Бастау» тобында Конституция күніне орай балалардың Отанға деген сүйіспеншілігін оята отырып,елжандылыққа тәрбиелеу, патриоттық сезімін ояту, Қазақстанның келешегі екеніне көз жеткізу мақсатында «Ата заңым-айбыным» атты тақырыптық сабақ өткізілді. Сабақ барысында балаларды Конституция баптарымен таныстырып ,әртүрлі сұрақтар қойылып тақпақтар айтылып жауаптар алынды.Ата Заңым
Алтын Заңым ардақтым
Аялаған адамзаттың арманын
Жол бастайды болашаққа жасампаз
Әрбір бабың,тарауларың,тармағың-деп өлең жолдарын мұқият тыңдай отырып, онда не туралы жырланғаны түсіндірілді.
Қазақстан Республикасының Конституциясы елдің басты саяси құқықтық құжаты екенін балалар түсініп, өз ойларын айтты. Конституция күні баршамызға құтты болсын! Еңсесін асқақтатқан Қазақстанымыз жайнап, гүлдене берсін дей отырып сабақ Ескендір Хасанғалиевтің «Атамекен» әнімен аяқталды.
